| 今日係學期既最後一個上課日。作為我大學三年級既下學期，亦都意味住我十幾年既學生生涯接近尾聲。過左咁多年響課室上堂既日子，我以後都唔使再上堂啦。只要考完試，我既學生身份亦都會隨即消失。以後，我都唔再係一個學生啦。 面對咁大既轉變，我一時間都未係好接受得到。好似，每次面對一個階段既完結既時候，我都特別多感觸。我承認我係一個經常往后望既人，成日懷念，成日都會唔開心。係，人係要向前走，我明，但係始終係唔開心。呢一刻，有無人同我有一樣既感覺? 最近都好忙，有好多Project要交，我自己份Hon Pro都未攪惦。星期日仲要考國家語委試，應該係無咩閒情逸緻去唔開心既，應該係去做D實際既野好過既。 同王維傾完之後好左D，之後我自己又去左GYM房跑步，而家好D啦。 |
| |
| 今日上完MR之後就去左食飯同開Seminar會，Vinci同Dorothy唔舒服無黎到，我、Karen同Alex3個傾都無咩進展。下個星期Present，希望聽日搵Tiger有D新見解。 晚黑同D Floormate一齊去左樓飯，專程坐火車去左火灰食大排檔。去既都係成日見到既Floormate同1個德國女仔，仲有我Roomate阿Meg，佢而家Weekday都唔返黎訓，只係Weekend先返，我同佢好似輪流返咁。 落左車行左一段路先去到，今日終於攪清楚D Floormate叫咩名。食左60蚊，都食左好多野。唔錯。 食到9點我就早走，因為10點要開Hon Pro會。今晚終於都起左份Questionnaire,聽日Yoyo就拎上去問老細得唔得。有D成果好開心。希望一切順利。 搵左曾肖曼幫我叫佢D Friend做Focus Group，暫時唔知成唔成功，星期日返大陸，希望可以做埋Focus Group。 另外，一個壞消息，今日，我發現我左上顎既智慧齒生緊出黎，已經可以feel到隻牙既邊邊已經出左黎，同隻手直情可以摸到。 隻牙唔知使唔使脫呢。如果又要脫，但我岩岩先脫完一隻，傷口都仲要2個月去埋口，咁係唔係真係脫? 唔脫會唔會頂歪我D牙? 唉，一次過出2隻智慧齒，我都幾有智慧。 |
| |
| 去左美國既Carol返左黎香港，約埋Alice、鄭靜欣同我4個食飯。咁多年無見既朋友，就係咁又再見返面。 唔知點解，見佢我真係有D緊張。 我地約尖沙咀食，齊人就去左尖東，去寧記打邊爐。見返佢地，Alice就同平時響廣告度見到一樣，無咩變化。Carol就識打扮左好多，成個都美國化晒。至於鄭靜欣，佢真係可以話完全無變。佢無變既程度厲害到同我十幾年前識佢果時一樣，佢而家仲好似十幾歲咁。同佢影相，我真係好似老過佢好多，完全睇唔出佢大我2年。 見返佢地，傾下大家既近況，傾下以前D野，都幾開心。最唔開心係我同佢地相比，變化應該係最大。我好似，肥左同老左好多。似乎真係要保養下。 食完飯Alice去左返工，我地3個就去左行街幫Carol搵拖鞋，因為佢鞋太高腳痛。但買唔到。之後我地就去左許留山食野同吹水。多謝Carol既禮物，第一次收到Victorias Secret既香水，開心。 之後發現原來尖東布車可以返九龍塘，於是就坐左7號廾返Hall啦。 |
| |
| 九型人格分析 | 第七型 | 快樂主義型、豐富型、活躍型、創造可能者、享樂型 | | 第八型 | 領袖型、能力型、挑戰者、保護者、權威型 | | 第九型 | 和平型、和平者、和諧型、維持和諧者 | | 第五型 | 智慧型、觀察者、思想型、理性分析者、思考型 | | 第六型 | 忠誠型、忠誠型、尋找安全者、謹慎型 | | 第三型 | 成就者、事業型、成就型、實踐型 | | 第四型 | 藝術型、浪漫者、自我型、憑感覺者 | | 第二型 | 助人者、全愛型、助人型、成就他人者、博愛型 | | 第一型 | 完美主義者、完美型、改革者、改進型、秩序大使 | 活躍型的你，有著以下特點：樂觀、精力充沛、迷人、好動、貪新鮮、五時花六時變……「最緊要玩得開心」是你的生活哲學。你渴求有新鮮感的生活，所以很不喜歡被束縛、被控制。你的活力是玩的活力，又跟第三型的成就型又有所不同，是最佳的活動攪手。 主要特徵： - 需要保持高度的興奮。同時參與多項活動，對很多事情都感興趣。
- 喜歡保持感情的高峰狀態。 。
- 保持多種選擇，並把這當作一種避免對單一任務進行承諾的工具。
- 用快樂的精神活動，比如談話、計劃和思考，取代深層的接觸。
- 喜歡把信息相互關聯，進行系統分析。
- 能夠從不相關或者看似矛盾的觀點中找到不尋常的聯繫和相似點。
代表人物：史蒂芬‧史匹伯 |
| |
